Facebook го воведува „Your algorithm“ каде корисниците со свои зборови кажуваат што сакаат да им биде прикажувано

Истата алатка Instagram ја доби во декември минатата година, а од јуни работи и во главните новости Meta го претстави „Your algorithm“ за Facebook, посебен дел каде корисниците можат сами да додаваат и да уредуваат теми што сакаат да ги гледаат во новостите („Feed“) и во Reels. До алатката се стигнува преку менито со три точки, кое според компанијата е ажурирано кај секоја објава за полесен пристап до новите опции. Дополнително, по притискање на „Interested“ или „Not interested“ кај некоја објава, Facebook може да постави дополнителни прашања за тоа што точно му се допаднало или не му се допаднало на корисникот. Одговорот се пишува со свои зборови, а според Meta препораките се ажурираат веднаш.