Homebrew доби официјална апликација за macOS со која апликациите се инсталираат без командна линија

Апликацијата BrewUI пристигна со Homebrew 7.0.0 и работи на macOS Tahoe 26 или понов Homebrew, популарниот менаџер на пакети со отворен код за macOS и Linux, доби своја официјална апликација со графички интерфејс. Се вика BrewUI, а програмерите на Homebrew велат дека треба да го направи управувањето со пакетите поприфатливо за корисниците кои не сакаат да работат во Terminal. Апликацијата беше најавена уште во јуни, со Homebrew 6.0.0, кога програмерите напишаа дека сè уште не е подготвена за пошироко користење. Официјално е достапна од средината на септември, кога излезе Homebrew 7.0.0.